雖則疫情繼續，但係啲奇怪人開始出返嚟。
1. 入嚟話口乾但係原來佢全日都飲唔夠4杯水。依家咁熱，飲夠八杯都口乾啦？ ！
跟住話胃口差，但係佢原來便秘左好多日。入邊咁大堆野塞住晒，胃口好極有限喎？！
2. 唔知點解今日睇好多乳頭痕，通常都係濕疹發。有一個話兩邊乳頭都流黃色水，流咗成年啦！！！！影張相俾我睇成張紙巾都浸濕晒，夜晚仲要起身換Bra先至可以再瞓得！但係⋯今日得閒先過嚟睇⋯
佢話平時自己喺藥房買藥膏。攞支藥膏一睇，頂！廯膏嚟㗎喎？你都唔係生廯。藥房職員玩你呀？
3. 好多人都唔明白點解專科醫生唔一定係醫院睇，可以好似普通科醫生咁到佢嘅診所。今日叫左個25歲男仔去睇眼科。
佢話飛蚊，本身話冇閃光，跟住自己話不過猛Fing頭嘅時候會有閃光計唔計？都25歲，仲猛Fing頭？真係睇唔出kai kai地樣嘅人都仲咁……熱血？
跟住同佢講嗱嗱臨睇眼科，不過講極佢都以為我叫佢去化驗所。係咪Fing得頭太多呢？
***
啊仔企係我後面就當哩埋左，咁樣同我玩Hide and Seek 🤣🤣
啊仔喺度食書嘅時候，家姐就喺度乖乖地睇書。之後仲揸住本書好似啲酒樓睇報紙阿伯咁。
Search